01
November
2021
Облыстық семинардың ІІ бөлімінде қазақ және ағылшын тіліндегі дебат ойындары көрсетілді
«Мектептегі білім беру сапасын басқару және жақсарту: мәселелер және мүмкіндіктер» атты облыстық семинардың ІІ бөлімінде қазақ және ағылшын тіліндегі дебат ойындары көрсетілді. Бүгінгі таңда гимназияда «Дебат» жобасы жүзеге асырылуда. Дебат – зияткерлік рөлдік ойын, бұл өзінде бар білімді қолдану біліктілігін қалыптастырады, функционалдық сауаттылығын дамытады және нағыз білім беру технологиясы. Гимназия Сүлеймен Демирель Университетімен тығыз шығармашылық байланыс орнатып, бүгінде бірлесе жұмыс атқаруда. Семинарда SDU мамандары мен «Дебат» клубының мүшелері АПФ форматында (Америкалық парламенттік формат) 8-10 сынып оқушыларының қатысуымен дебат ойынын көрсетті. Сонымен қатар, «Дарынды ұрпақ – жарқын болашақ кепілі» атты 5-сынып оқушыларын гимназия қатарына қабылдау және 7-сыныптарды жас Дарын қатарына қабылдау дәстүрлі мерекесі өткізілді.