«Отан тарихы – тарихты түзуші ғалыммен байланысты»

Дарынды балаларға арналған үш тілде оқытатын Әл-Фараби атындағы арнаулы гимназиясында «Отан тарихы – тарихты түзуші ғалыммен байланысты» атты онлайн кездесу болып өтті. Кездесуге мектеп оқулықтарының авторы, тарихнамашы-ғалым, т.ғ.д, профессор Т.Ә.Төлеубаев, Отан тарихының проблемаларымен айналысушы т.ғ.к, қауымдастырылған профессор Г.Е. Абикенова, 11-сынып оқушылары және Алматы облысына қарасты Қарасай, Райымбек аудандарының магниттік мектептерінің тарих пәні мұғалімдері қатысты. Кездесу барысында тарих пәні мұғалімдерінің білім беру саласында Отан тарихы және оның нақты проблемаларын білу, мектеп оқулықтарында кездесетін олқылықтарды негіздеу және жастар арасындағы отансүйгіштік, патриотизмді қалыптастыру мәселесіне қатысты ойлары талқыға түсті.