Қазақстан халықтарының Тілдері күні мерекесі

Қазақстан халықтарының Тілдері күні мерекесі - еліміздің азаматтарының бірлігі, достықтың белгісі, халықтар достастығы, өзара келісушілігі және бірлесуі. Гимназиямызда 6 қыркүйек күні «Тіл – достықтың алтын көпірі» тақырыбында Қазақстан халқы тілдері мерекесінің ашылу салтанаты өткізілді. Іс-шарада тілдер туралы өлеңдер оқылып, Ыбырай Алтынсаринның алғашқы қазақ мектебін ашу сәтінен көрініс көрсетілді. Іс-шарада Тәуелсіздігіміздің 30 жылдығымен қатар, гимназиямыздың да 30 жылдық тарихында Алмалыбақ ауылындағы алғашқы қазақ мектебі болып ашылу сәті мен ұлы ағартушы ұстаз Ыбырай Алтынсариннің 180 жылдығына орай алғашқы қазақ мектебін ашу сәті керемет үйлесіммен ұштастырылды.