ҚазҰУ оқытушысы Ұлжалғас Мұхамеджанқызымен кездесу өткізілді

Дарынды балаларға арналған үш тілде оқытатын Әл-Фараби атындағы арнаулы гимназиясында Қазақстан Республикасы Тәуелсіздігі мен Тұңғыш Президент күніне орай тарих ғылымдарының кандидаты, доцент, ҚазҰУ оқытушысы Ұлжалғас Мұхамеджанқызымен кездесу өткізілді. Кездесуде оқушылар ел Тәуелсіздігі жолындағы Елбасының ерен еңбегі туралы баяндамалар оқыды. Ұлжалғас Мұхамеджанқызы өзінің лекциясында келелі ойларымен бөлісіп, ел дамуындағы жастар рөліне ерекше тоқталды. Гимназия директоры Бақшагүл Мустафина қорытынды сөзінде ел Тәуелсіздігімен қатар гимназияның да 30 жылдық кезеңдегі даму тарихын айтып өтті. Тәуелсіздіктің 30 жылдығы аясында мазмұнды кездесу ұйымдастырып, белсенді қатысқаны үшін 10Ә сыныбына және сынып жетекшісі Мергенбаева Эльмира Алтайқызына үлкен алғыс білдіреміз.