Білім беру ұйымына оқуға қабылдау

Құрметті ата-аналар және оқушылар!Әл-Фараби атындағы мамандандырылған лицейі 2025-2026 оқу жылына оқуға құжаттар қабылдауды жүзеге асырады.Негіздеме: Қазақстан Республикасы Оқу-ағарту министрлігінің 2018 жылғы 12 қазандағы № 564 «Бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы» бұйрығы.
Лицейге қабылдау 5 – сыныптарда (2025-2026 оқу жылы) жүзеге асырылады.

Қабылдау конкурсына қатысу үшін құжаттарды онлайн - тіркеу 2025 жылғы 1 ақпан мен 15 сәуір аралығында https://www.qabyldau.daryn.kz сілтемесі бойынша өтеді.

Тіркеу кезінде қажетті құжаттар:
1.Баланың ата-анасынан немесе өзге де заңды өкілдерінен өтініш (сайттағы үлгі бойынша);
2.ЖСН көрсетілген үміткердің туу туралы куәлігінің көшірмесі;
3.Үміткердің электрондық мекен-жайын көрсете отырып, үміткердің оқу орнынан ұйымның мөрімен расталған фотосуреті бар анықтамасы;
4.Үміткердің 3х4 көлеміндегі фотосуреті;
5.Халықтың әлеуметтік осал топтарына жататынын растайтын құжаттардың көшірмелері (бар болған жағдайда)

* Барлық құжаттар PDF немесе JPEG форматында қабылданады.
Жеке, жүктелетін файлдың өлшемі 3 Мбайттан аспауы тиіс.

Конкурстық іріктеу уақыты тіркеу кезінде көрсетілген электронды мекен жайға және телефон номеріне алдын ала хабарланады.

Өткізу формасы: тестілеу (офф-лайн).

Конкурс Әл-Фараби атындағы мамандандырылған лицейінің ғимаратында өтеді.



Техникалық сұрақтар бойынша 87277153939, 87774854394