«Арманым едің, мектебім» атты тарихи қойылым

Биылғы жыл-гимназия үшін тарихи сәттердің бірі. Ел тәуелсіздігімен бірге гимназиямыздың 30 жылдық тарихы да барлық іс-шаралардың маңызды көрінісіне айналады.
Биылғы оқу жылында гимназиямызда директордың ғылыми-әдістемелік жұмыс жөніндегі орынбасары Аида Меңдібайқызының бастамасымен мұғалімдер мен оқушылардан құралған драма үйірмесі өз жұмысын бастады. Драма өнерпаздары алғаш рет мұғалімдер күніне орай, әріптестерінің құрметіне «Арманым едің, мектебім» атты тарихи қойылымын ұсынды. Қойылымда мектебіміздің алғашқы құрылған сәтінен көріністер көрсетіліп, ашылуына себепкер болған тұлғалар мен аяулы ұстаздар бейнесі сомдалды.