Облыстық семинарды ұйымдастыруда гимназия директоры Бақшагүл Байзаққызы өзінің білікті басшы, іскер маман, көшбасшы ұстаз екенін таныта білді

Магниттік мектептерге арналған «Мектептегі білім беру сапасын басқару және жақсарту: мәселелер және мүмкіндіктер» атты екі күнге жалғасқан облыстық семинарды ұйымдастыруда гимназия директоры Бақшагүл Байзаққызы өзінің білікті басшы, іскер маман, көшбасшы ұстаз екенін таныта білді. Іс-тәжірибені тарату мақсатындағы бағдарламаны құру, жоспарлау мен бақылауда инновациялық тәжірибені тарату, сапалы білім, үздіксіз кәсіби шығармашылық байланыс орнату мақсаттарын қамти білді. Семинарға б.ғ.д, профессор, ғалым Әйіп Ысқақұлы, филология ғылымдарының кандидаты Бота Қасен, химия ғылымдарының PhD докторы Тоқтарбай Жексен, тарих ғылымдарының кандидаты Гүлжазира Естайқызы қатысып, мектеп пен ЖОО арасындағы ынтымақтастықты арттыру жөніндегі ойларымен бөлісті, пікірлерін ұсынды. Берілген кері байланыстар негізінде, магниттік мектептерде ашық сабақтар тізбегін жалғастыру, сыртқы ортамен байланысты нығайту, авторлық жобаларды жоспарлау шешім ретінде қабылданды.